Un ano de ágora

[dplingua]

Esta comunidade (dispersa) na rede cumpre un ano xusto agora. Naceu grazas ao impulso dun grupo de profes blogueiros que, ante as demandas pedagóxicas e as carencias institucionais, procuramos abrir espazos de formación, intercambio e difusión das TIC.
Nese período debulláronse ideas, deseñáronse propostas de traballo colectivo e despexáronse fiestras suxestivas que, se ben non callaron internamente, si se proxectaron dalgún xeito noutros ámbitos. Ultimamente acolleu diversos grupos de formación na web 2.0 e fican aí múltiples bosquexos de traballo con redes, blogues, marcadores sociais e diferentes aplicacións, nalgúns casos ben aproveitábeis e seguramente xermes de novos pasos na procura de integración das TIC no labor docente.
Con esa bagaxe e un número de visitas nada desprezábel, cómpre volver coller impulso e reorientar as dinámicas de partilla. A administración, xa compartida desde hai un tempo, está aberta á participación.
Para-béns docentes.

[Nasa de pau]

Con despite e atraso... mais parabéns e moitas grazas por todo o que nos ensinaches.

[maría_]

Eses tópicos coñezoos, pois só falta logo que isto se anime un chisco máis; cando teña un momentiño, abro algún tema. A ver se nos imos animando tod@s.

[dplingua]

É estupendo contar con eses ánimos. Se creas ti algún grupo ou abres un tema no foro sobre Lingua e literatura, seguro que nos sumamos máis de un/unha.
Polo de agora temos A cerca do como ensinar a comentar textos, Que deben ensinar os profes de LGL e que se espera que ensinen e tamén o grupo, non específico, Oral planificado e TICs.
Que se amplíe o intercambio!

[maría_]

Parabens!!! Eu propoño, agora que hai máis profes de lingua e literatura por aquí, contar cun foro visíbel para poder discutir e compartir experiencias sobre as aulas e a materia; a min gustariame moitísimo! (Se cadra, xa o hai e eu aínda non o vin...) Saúdos