Coordinar, ¿que, cando e como?

[Alberto]

Ao longo deste curso contei con dúas sesións semanais para coordinar a incorporación das TIC no CPI Don Aurelio. Con esa asignación horaria non podía desenvolver o proxecto TIC, nin axudar a desenvolvelo, así que dediquei incontables horas no centro e fóra do centro, incluídas as vacacións, a intentar suplir esta carencia horaria. Con todo isto o proxecto TIC quedouse practicamente nunha intención e non se conseguiron obxectivos primordiais.
De cara ao curso seguinte só asumirei a coordinación TIC no tempo que se me asigne.
Corresponde á administración educativa facilitar os medios humanos e materiais para a incorporación das TIC ao ensino. Atéñome ás decisións ao respecto por parte da Consellería de Educación.

[Alberto]

Bueno, Xano, finalmente desistín da idea de recoller as sinaturas na rede porque penso que non teñen a mesma validez que se lles dá ás que quedan riscadas nun papel. Coido que as reivindicacións tamén están por concretar un pouco mellor. Se cadra o debate aínda non foi longo e fondo como é desexable.
O meu esforzo polas TIC vai continuar pero non do mesmo xeito. Refírome a que o cargo de coordinador non é máis que un invento para facer que se fai e non facer nada. Aí non me vou esforzar máis. Nas TIC, si.

[Xano]

Alberto, con permiso de Novoneyra e con abuso da redundancia e do dobre sentido, a forza do noso sobreesforzo non pode ser inútil. Por certo, onde hai que asinar as reivindicacións de Queremos tic? (non me funcionou a ligazón cando intentei entrar).
Parabéns tamén polo labor de creación de recursos.