Configuración de Ubuntu: escritorio, usuarios e conexión a internet

[Xosé Vidal]

1. Comezamos por configurar o escritorio. Na barra de tarefas temos 3 menús: Aplicacións, Lugares e Sistema. Miramos o que hai por aí. Aplicacións equivale a programas en windows, Lugares equivale a Panel de control, e Sistemas a Administración. Así que se queremos configurar algo teremos que ir a Sistema. En Sistema hai opcións que só pode modificar o Administrador, que somos nós coa contraseña elixida na instalación. Primeiro podemos ir a SISTEMA - PREFERENCIAS - RESOLUCIÓN DE PANTALLA, e comprobamos que ao menos temos 1024 x 768 ou que se pode escoller outra calquera, incluso maior. Recomendo poñer unha alta... o que dea o monitor (1280x1024 é o máis normal).

2. Ir a SISTEMA- PREFERENCIAS- APARENCIA e modificar FONTES para poñelas a un tamaño agradecido (non hai por que queimar a vista) entre 12 e 14 puntos. Basta con modificar as opcións propostas. De paso podemos activar Visual Effects.

3. Imos a SISTEMA - ADMINISTRACIÓN- USUARIOS E GRUPOS. Engadimos un usuario novo, de nome "usuario" e contrasinal "usuario". Os alumnos terán ese usuario e esa contraseña para acceder ao sistema, e non terán privilexios de administración.

4. Antes de máis nada hai que ver se temos conexión a Internet... por exemplo abrindo o navegador Firefox. Escribimos unha "a" ou a primeira tecla que nos veña aos dedos na casiña destinada a Google e pulsamos enter... Se funciona temos razóns para estar contentos, a partir de aquí temos o camiño despexado. En caso contrario haberá que buscar a forma de amañalo. Para configurar a conexión a internet temos unha icona na barra de tarefas, ao lado do Volume e da data do calendario. Se non dá sinais de vida haberá que picar aí co rato e elixir a opción "Configuración manual". Temos que completar os datos da nosa configuración de rede igual que en windows: dirección IP, Máscara de subrede, Pasarela e DNS (non esquecerse do DNS). Logo cerramos a ventá e esperamos.
Probamos se funciona o firefox. Se non dá sinais de vida apagamos e reiniciamos o sistema. Cunha probabilidade altísima funcionará desta.

5. Ao reiniciar o sistema por primeira vez, veremos que aos 5 segundos máis ou menos teremos un menú para elixir o sistema operativo que queremos arrancar. Por defecto será Ubuntu, pero desplazándonos coas flechiñas do teclado podemos escoller Windows.