Instalación de Ubuntu

[Xosé Vidal]

Hai moitos manuais en internet... este é un breve resumo persoal. Será necesario complementalo con algún deses manuais.

1. Farémonos cun CD de instalación de Ubuntu, a última versión é a 7.10 (outubro do 2007). Podemos descargalo de internet. (Hai versións diferentes para procesadores Intel e AMD).

2. Comprobamos que o ordenador escollido cumpre cos requisitos mínimos de instalación, sobre todo que teña ao menos 256 Megas de RAM.

3. Opcional, pero para evitar disgustos gardamos toda a información relevante do disco duro nunha copia de seguridade externa (pincho usb, disco...)

4. Encendemos o ordenador e introducimos o CD antes de que arranque o windows (ou sistema instalado)

5. Veremos o menú de instalación do CD. Arrancar coa opción por defecto (a primeira)

6. Aparecen unhas ventás solicitando datos e escollemos: idioma, zona horaria, teclado, partición do disco e datos usuario. A zona crítica é a de partición de disco, que ven ser un campo minado para novatos, pero ante todo moita calma. O máis normal é atravesalo e saír vivos e enteiros.

Aquí hai varias posibilidades e vou só resumir un par delas:

a) Só hai unha partición windows no disco. Entón na ventá aberta propónsenos que redimensionemos a partición (darlle outro tamaño). Temos que darlle un tamaño así como a metade... ou outro diferente. Podemos usar os botóns de Editar particións que andan por alí. A idea é deixar ao menos 10 ou 20 Gigas para instalar Ubuntu. Co novo espazo baleiro (o que queda despois de achicar a partición de Windows) temos que definir outra partición, con formato ext3, e no directorio raíz "/". (É o paso máis complicado pero consiste en buscar opcións na ventá correspondente). Despois de practicar media hora seremos uns expertos facendo e desfacendo particións.

b)Hai ao menos dúas particións no disco. A CEOU envía os ordenadores instalados con 2 particións (windows e opensuse). Iso visualizarémolo ao chegar á ventá de particións do disco durante a instalación. Veremos como a partición windows ten un sistema de ficheiros .ntfs , mentres que a partición linux ten unha extensión .ext3, e podemos ver o espazo en GB asignados a cada partición. Aquí o máis fácil é formatear directamente a partición de linux, a opensuse, e instalar aí a Ubuntu. Basta con marcar a casiña proposta de formato e darlle para adiante. Pero hai cen posibilidades máis.

7. Despois de dar un nome de usuario e contraseña (importante) chegamos ao escritorio de Ubuntu instalado. Ufff... despois da tensión inicial xa podemos respirar con certo alivio e deixar saír un sorriso. e Pode sorprendernos o seu tono ocre ou que non hai iconas no escritorio... ou un par delas como moito, ou que a barra de tarefas esté ubicada por defecto na parte superior. Ou que a letra sexa moi grande ou pequena... ou incluso que os menús estén en Inglés!!! Ben, mantemos a calma, todo pode axeitarse.