Qué distribución Linux utilizar?

[Xosé Vidal]

Falar de software libre en sistemas operativos é o mesmo que falar de Linux. Agora ben, Linux ofrece diferentes distribucións (a modo de versións).

A CEOU instala nos novos equipos que envía aos centros (febreiro de 2008) dous sistemas operativos: Windows e OpenSuse (distribución de Linux). A primeira ven por defecto e será a que utilicen o 90 e tantos por cento do profesorado. Non por nada malo, só porque é o que ven no plato, e normalmente non cuestionamos se o que comemos alimenta ou non.

(Por certo, o windows ven en castelán... e o colmo é que trae unha carpeta con ficheiro de instalación en galego, pero advirte que será responsabilidade do usuario instalalo, porque entón poderían deixar de funcionar algunhas cousas) Grrrrrrrrrrrrrr

Eu utilizo a distro Ubuntu Linux... non por nada especial... cadrou que empecei nisto hai pouco máis de un ano e teño un amigo que ma recomendou. Hoxe é a distro máis popular, a máis utilizada no mundo Linux e éo pola súa facilidade de uso e amigabilidade. Tamén a última versión do MAGASIX de Manuel González Regal (IES Xulián Magariños de Negreira) a utiliza.

Eu voume defendendo e arranxando tódalas dificultades que se me presentan... aínda non atopei ordenador que se resistise á súa instalación e aceptable funcionamento. Aínda que nalgunha ocasión tiven que recurrir á axuda da comunidade (do mellor que ten). Búscase en google "ubuntu... tal problema" e aparecen propostas de solucións a patadas. E vas coñecendo xente.

Seguiremos.

[Alberto]

Teño publicado no meu blog un manual de Ubuntu que se pode descargar alí mesmo. Instalei Ubuntu nun pc e estou a dar os primeiros pasos. Polo momento non controlo case nada, pero agardo que aquí poidamos resolver dúbidas.

[Xosé Vidal]

Ola Alberto, sempre tan animado e disposto a apuntarte a todo! Nin que tiveras 20 anos! Ben, polo demais eu intentarei axudarche a que resolvas tódalas dúbidas que se che presenten... penso publicar proximamente os pasos que sigo eu para instalar a Ubuntu e deixala fina (o que xa non sei é se poderei dar tantos detalles como neses manuais que andan por internet).

No dos manuais... ese en concreto, boteille un vistazo e ten boa pinta, sobre todo no tema filosófico e motivador... no técnico tampouco está mal, aínda que é para unha versión de Ubuntu de hai xa case ano e medio (a 6.06), e aquí as cousas cambian moi depresa (cada 6 meses publícase unha nova actualización). E cada vez as cousas son máis sinxelas.

Mañán sigo.

[Alberto]

E eu sígote a ti. Graciñas.

[Xosé Vidal]

Atopei un artículo sinxelo e claro sobre a historia e a filosofía da distribución Ubuntu, en Genbeta.com.

[Xosé Vidal]

Atopei unha web onde fan unha análise detallada das catro distribucións de linux máis populares e extendidas: Ubuntu, OpenSuse, Fedora e Mandriva.

Nesta outra web, de Distrowatch, fanse tamén comparativas entre as diversas distribucións de Linux.

[Alberto]

Deixáronme un comentario no blog indicando "Como recuperar o entorno gráfico en Ubuntu/kubuntu/linux Mint"