Espazos na rede con recursos TIC aplicables nas clases.

[Alberto]

Considerando que só unha porcentaxe mínima do profesorado utiliza este tipo de recursos para apoiar a súa docencia, cómpre salientar aqueles espazos na rede onde poder atopalos con certa facilidade. Así mesmo, resulta conveniente ensinar ó profesorado algún xeito de organizalos para telos a disposición.

[Alberto]

O que eu fago, a día de hoxe, é combinar os recursos que vou publicando no "ticblog" coa miña páxina persoal no wiki "donaurelio".
Mesmo veño de publicar un post explicando un pouco o xeito de realizalo.
Por suposto, nos blogues e nos wikis sempre hai enlaces que permiten a calquera ir construíndo unha base de datos máis ou menos organizada con recursos TIC. Pero tendo en conta a formación do profesorado e a disposición para utilizar os recursos, considero imprescindible facilitar ó máximo a disposición organizada dos mesmos.
¿Algunha suxestión?

[futanita]

Penso que por unha banda, mostrar estes recursos e ensinar uns principios básicos, nunca está de máis. Pero con estas ferramentas, e a rapidez coa que aparecen, é preciso ter unha actitude proclive a investigar e atopar.
Pero o fito máis importante é atopar as ferramentas que teñen sentido e utilidade na experiencia de cada un, nas súas formas de facer. Este é o reto.

[Alberto]

Estou de acordo. Levo só uns meses nisto e xa vexo que o profesorado en xeral non amosa interese polo tema das TIC. Canto máis utilizo a rede para coordinar, menos coordino porque case ninguén do meu centro le o que publico. Daquela, envíolles de cando en vez un correo con algún enlace de maior interese, pero case ninguén mira o seu correo. O último que enviei foi unha enquisa interna e o resultado non mellorou as miñas suposicións. E unha suposición que fago dende hai tempo é que nos demais centros, en xeral, ocorre algo similar. Pero polo menos teño compañeir@s que utilizan o último blog que xestiono para as miñas clases con TIC. Vai por eles/elas.

[anxo]

Tranqui Alberto. Os grandes cambios comezan con pequenos pasos. A túa experiencia no teu centro é esa e no meu é algo semellante mais, fíxate, dende que ando por estes lares, teño entrado varias veces na túa folla e atopei cousas que me interesaron e empreguei. Tras comentarllo a unha compañeira ela tamén está a experimentar e empregar recursos TIC e, sendo só os dous, xa comeza a haber unha certa curiosidade. Varios compañeiros pensan que empregar o "Slide" ou un blog non deixa de ser algo curioso pero ao ver a resposta do alumnado, lentamente, pero están a mudar de opinión.
En resumo, se che serve de algo, dende a outra punta do país, a través da rede, eu si te sigo. Un saúdo.

[Alberto]

Grazas, Anxo, polos folgos. A verdade é que tés moita razón. Aínda que non choveu moito dende que abrín este grupo, moi preocupado pola introdución das TIC no noso país, xa van mudando certas cousas... e tamén os meus ánimos. De feito, xa non utilizo o wiki para os meus recursos, senón que o fago a través doutro blog para "As miñas clases". E vaime ben. E o profesorado do meu centro empeza a interesarse e a solicitar ordenadores e recursos. Tamén a utilizalos. Fixemos unha web dinámica e xa hai máis expectativas. Penso que ó igual que chega a primavera, chegarán tempos de colleita. Sigamos a sementar...

[Eva]

Ola
acabo de empezar fai dous dias o ciurso de elaboracion de contidos educativos online.
acAbo de entrar a ver o enlace ese que tes de "as miñas clases con TIC".
pareceume interesante que se poda facer wiki, nunha paxina propia, cousa q2ue non sabia, e me parece unha feramenta excelente para que no ambito de unha rede educativa, poidan tanto os alumnos coma os profesores achegar propostas definicion etc e que uns podad aumentar con novas aportacion o que introduciron otros.
Eu inda non dou clase, pero si espero chegar a saber utiliar estas ferramentas pois a interdiciplinariedde que posibilitan e o traballo coperativo, a reflexion, etc, me parecen grandes.
espero qeu este curso me sea un primer paso, e chegar a poder propostas como as que tes feito.
e que teñas sorte e o profesorado do centro se implique pouco a pouco

[Alberto]

Pois claro que si, Eva. Todo é cuestión de poñerse a andar... logo chegan os resultados.
No meu centro, aínda sen apoio da administración educativa, o profesorado estase a interesar máis nas TIC e a cada pouco hai máis progresos e máis implicacións. O último que fixen foi crear unha Ning privada para dinamizar as TIC e tamén está a servir de punto de encontro entre todo o profesorado que estivo algunha vez no centro.

[Álvaro]

Como membro do colectivo Chiron, que agrupa a profesores de clásicas de todo o estado, quero dar a coñecer o noso espazo web, tamén dispoñible en galego (http://www.chironweb.org/gl), o que pode ser un exemplo de como buscar, clasificar e compartir recursos entre todo o profesorado. Anímovos a entrar e botar unha ollada ás diferentes ferramentas que empregamos: marcador social, wiki de recursos, planeta de blogs, galería de imaxes, vídeos, presentacións, e moito máis....!

[María José]

En primeiro lugar, teño que recoñecer que descoñezo moitos dos aspectos dos que aquí se falan xa que, ata o de agora, polo que vexo, non fun máis aló que de servirme de internet para buscar recursos, páxinas con actividades para os nenos, e pouco máis. A día de hoxe, estou coñecendo un mundo totalmente novo para min grazas a realización dun curso (Elaboración de contidos educativos online, da plataforma "http://www.cigrede.interface.es") e a pesares de que me está levando máis tempo do que dispoño, aínda que non logre rematalo, estame resultando interesantísimo para a miña futura labor docente (ando cerca de que me chamen a sustituir). Baixo a miña opinión é unha verdadeira mágoa que os que dispoñen dos coñecementos necesarios os desaproveiten ou non se interesen demasiado por eles. No meu caso, como mestra de infantil (nenos entre 3 e 6 anos) penso que, ademais de axudar ó intercambio de experiencias cos demais profes e a polas en práctica cos nenos, tamén serviría para facer que as familias achegasen as súas vivencias, ideas... que contribuisen a enriquecer a calidade do sistema educativo. Non obstante, ¿poderíanme acercar/ensinar a algún destes recursos e ós principios básicos que me fosen de utilidade na Educación Infantil?.-

[xosé carlos]

Coincido contigo que potencialmente está por desenvolver. Eu traballei o tema pero ainda sen utilizar redes sociais. Estas axudarían a manter contacto con outros alumnos e co grupo musical en My Space. Eu traballei o rap en clase de lingua: pasei información sobre a emigración e escoitaron ao grupo Dios Ke te crew co tema estranxeiros e logo fixeron frases rimadas.