Elaboración de mapas mentais e conceptuais

[Xano]

Presentación valorativa das ferramentas e achegamento ás súas aplicacións didácticas.
Documentos iniciais propostos:
1. O pdf anexo, Unha experiencia de uso dos mapas conceptuais, tomado de aquí.
2. Aplicacións de mapas conceptuais na educación como ferramenta metac....
3. Mapas conceptuais na aula:

| View | Upload your own

[Xano]

Algunhas posibilidades didácticas, tendo en conta que son comúns ás da práctica en soportes tradicionais, mais o uso de software (Cmaps Tools) ou ferramentas web pode reforzar a construción colaborativa (por aquilo da doada revisión das deficiencias, etc.) e autónoma por parte do alumnado.
- Plasmación de xerarquías mentais previas e revisión tras procurar e tratar información ao respecto.
- Abordaxe de problemas e establecemento de procedementos de actuación.
- Organización de contidos curriculares; ordenación e revisión de conceptos.
- Organización de ideas xurdidas no grupo (tras remuíño, etc.).
- Apoio ás propias exposicións do alumnado.
- Identificación de relacións entre conceptos.
...
Eu empreguei Glinkr con alumnado de 3º da ESO para ordenar e revisar conceptos e a motivación, o proceso (con guía continua) e os resultados foron bastante bos.
Subo á nosa sección de vídeos un sinxelo titorial que elaborei. Hai que velo nun tamaño algo grandeiro, a ver se se pode.

Suxestións?

[Rosa Salgueiro]

Xa comentei que me interesaba o traballo con mapas conceptuais. Acabo de ver o titorial e teño varias preguntas: pódense deixar ocos nos conceptos ou relacións para que os complete o alumnado ou é unha ferramenta estática? Que os revisen se se introduce información errónea pareceume que era posible, pero supoño que non que reordenen a xerarquía se está mal establecida, non?
É unha ferramenta de exposición de coñecementos, máis ben e o partido que se lle podería sacar iría na onda do que expón Mercedes del Valle, non?
E unha cuestión técnica: o documento final queda aloxado na páxina de Glinkr? É posible ter unha versión gardada no disco duro do teu ordenador para aloxala directamente no teu espazo web?
Parabén por tanto traballo! Eu teño que ir máis pouco a pouco, que todas estas ferramentas son novas para min.

[Xano]

Rosa, con estas ferramentas podes facer o que ti dis, reorganizando todo se fai falta. Desde Glinkr expórtase (e gárdase, logo) o mapa en xml, mais se queremos traballar con software no noso computador, podemos usar Cmaps Tools, máis potente e complexo. Trátase, en calquera caso, de ensaiar, de rexistrarse cun correo alternativo e remexer.
Posibilidades só de exposición de coñecementos? Penso que serven tamén, como apuntei, para ir organizando o pensamento na análise de problemas.
Súmaste á pescuda, entón?

[Xano]

Recomendo probar con mindomo (pódese facer sen necesidade de rexistro premendo en Try it Now) ou desde esta imaxe:

[Rosa Salgueiro]

Súmome. Irei a remolque teu, investigando nas ferramentas que me vaias propoñendo. Mantereite informado.

[Verônica Carvalho]

Oi Xano

Ultimamente venho estudando um pouco sobre Mapas Conceituais ... e encontrei um software muito interessante, simples, fácil e com uma bela estética para a construção dos mapas, chama-se Inspiration ... a única coisa negativa é que consiste num software proprietário .....
http://www.inspiration.com/
http://www.inspirationbrasil.com.br/portugues/

Um abraço d"alem mar!