As potencialidades das redes sociais no ensino

[dplingua]

Propostas de uso educativo destas comunidades.

Trátase de que fagades propostas concretas de utilización das redes sociais na práctica docente. Pensade nalgunha actividade relacionada coa vosa especialidade e nivel educativo, para levar a cabo na escola ou intituto.

Exemplos:

Grupo de lectura nunha rede social do centro

Para axudar ao alumnado na elección de libros de lectura decidimos abrir un grupo de lectura nunha rede social creada para o centro. Na rede informarase periodicamente das novidades que se adquiren na biblioteca, así como información sobre as actividades que se realizan.
Ao rematar a lectura dun libro o alumnado pode participar no foro e facer un pequeno resumo do argumento e expoñer a súa opinión persoal, e o resto de alumnos e alumnas que despois leran o libro tamén farían a súa valoración. Dese xeito temos un foro no que o alumnado dun mesmo nivel pode consultar opinións dos seus compañeiros e compañeiras sobre o libros dispoñibles na biblioteca, e facilitar a elección da seguinte lectura.

Intercambio

O departamento de inglés está organizando un intercambio cunha cidade irlandesa. Antes do intercambio desexan que o alumnado dos distintos centros se coñeza entre si, e elixiron crear unha rede social e implicar a outros departamentos. Esta rede social utilízase para a comunicación entre o alumnado, mellorando a súa competencia lingüística. Aproveítase, ademáis, para intercambiar información sobre a historia, xeografía e costumes dos entornos dos dous centros.

Engade ti a túa proposta de utilización.

[Ana]

Opino que as redes sociais acumulan moitas vantaxes, tanto para nos como mestres como para o noso alumnado.
As novas tecnoloxías axúdannos en campos como a educación ,a socialización,...e fan o ensino máis dinámico e motivador, estando sempre suxeitos a unha continua evolución e renovación.

[Leticiab]

Coincido coa maioría en que as redes sociais no ensino teñen moitas potencialidades para o traballo , tanto dos mestres coma dos alumnos, pois moitas veces atopamos casos nos que nos resulta complicado atopar solucións e con estas redes podemos buscar experiencias similares e posibles solucións as nosas dúbidas. Eu como orientadora, en moitos casos atópome perdida para atoparlle solucións a determinados casos de alumnos con problemas, é cunha rede social deste tipo, podería contar coa experiencia doutros profesionais para tratar de conseguir novas respostas que me axudaran a asesorar tanto os mestres, como o alumno e as súas familias.

[Ana Mª Fraga Montero]

Penso que as redes sociais poden ser unha ferramenta moi útil para o ensino.
En primeiro lugar, poden facilitar a cohesión dos grupos, o que non sempre é unha tarefa doada.
Ademáis, posibilitan a creación de actividades grupais a nivel grupo clase, de forma interactiva e coa necesidade de implicación por parte do alumnado.
Tamén sirven como instrumento para o docente, que pode aproveitalas para dar indicacións, suxerencias, como plataforma para a realización de actividades de reforzo e complementarias,...
Na miña especialidade (FOL) podería utilizarse por exemplo, no bloque de Dereito Laboral, que é unha materia en constante variación, para ter sempre actualizadas as normas, xa que durante o curso podémonos atopar con modificacións (o SMI, as bases de cotización,...=
No bloque de prevención de riscos, podería facerse unha actividade de procura de información sobre accidentes laborais. Os alumnos deberían buscar noticias, estatísticas, ... sobre a materia e colgalas na web. O resto deberían comentar as dos outros.
Polo tanto, como conclusión, dicir que as posibilidades son moitas e que seguro que os alumnos as recibirían positivamente, o que incidiría na súa motivación

[Diana]

Sen dúbida algunha, e tras ler moitos dos comentarios aquí expostos, está claro que as redes sociais teñen múltiples vantaxes para o ensino. Dentro da miña especialidade, inglés, para alumnado de secundaria, eu propoñería un uso cotiá de ditas redes sociais. Trátase de que o alumnado vexa a lingua inglesa como algo usual que poden usar no día a día. Pódese crear una rede social na que a única lingua que se poida usar é o inglés. Así, o alumando podería comentar cousas sobre o centro de estudos, anécdotas persoais, comentarios sobre exercicios específicos doutras materias...

[Lourdes]

As redes sociai axudaránnos a acceder dunha forma rápida a aquelas páxinas que son do noso interese, e ademais permitirán que o alumnado particpe tamén delas.

[Lourdes]

Desde amiña especialidade, esta plataforma axudaráme a contar con diferentes actividades de linguaxe para facer partícipes a todo o alumnado, a parte de conseguir información sobre po¡roblemas que podemos compartir e aclarar

[Belén]

Como especialista en audición e linguaxe considero as redes sociais moi interesantes xa que nos permiten traballar dende a escola cos nosos alumnos de maneira controlada, e comartir experiencias, conocimientos, aficións...Para os nenos con necesidades educativas especiais estas redes ofrecénlles accións compensatorias, afianzan a sua identidade e pertenza e inclusión social

[Nélida]

Tamán se poderá crear unha rede social, cun colexio doutro país (ambos do mesmo nivel), e traballar ambos un tema común, por exemplo o Nadal, xa que non en todOs os sitios hai as mesmas costumes e tradicións, así serviralles aos nenos/as para mostrarlle aos demáis nenos (doutro país), como se celebra esta tradición no seu país, ao mesmo tempo que aprenderán, a través das experiencias dos compañeiros do outro colexio, como se celebra nese outro lugar. É dicir, a través desta rede, os nenos compartirán os seus traballos e experiencias.

[Antón]

Coincido coa maioría das aportacións deste foro. Creo que unha das maoires potencialidades das redes sociais no ensino é o plus de motivación que supón para o noso alumnado.

[samuel rodriguez lopez]

Hoxe en día que están a proliferar os clubes de lectura nos centros de ensino e algúns con bastante éxito contribuíndo dun xeito notábel a animación á lectura,o uso das redes sociais pode ser unha boa ferramenta para continuar os debates e os comentarios entre os seus membros,tendo en conta que estes se ven moitas veces cortados pola falta de tempo.Alén disto pode facilitar o aumento no número de participantes.

[Andreina]

Pois por exemplo un intercambio cultural con nenos doutros países, por exemplo con algún país de Sudamérica. Así os nosos nenos e nenas coñecerán, por exemplo, como é o colexio en Arxentina, que estudan, que fan despois do cole, etc.
Desta forma os nosos nenos tamén poden aprender a valorar o que ten, xa que seguramente se daran conta de que hai nenos que no seu cole non ten un encerado decente, o que o ximnasio está en mal estado, etc.

[olaia]

Eu penso que a creación e participación destas redes sociais poden fomentar a creatividade do alumnado positivamente. Semella que a clave fundamental é a interacción e o uso da rede como ferramenta para crear comunidades de aprendizaxe, na que o proceso ensino-aprendizaxe adquire un senso constructivo e enriquecedor.
A elaboración destas comunidades de aprendizaxe fomenta o intercambio de ideas, compartir recursos e materiais, elaboración de proxectos en grupo, a colaboración para a resolución de problemas e a implicación dos membros da comunidade de cara verse como os propios constructores do seu procesode aprendizaxe. Ó tempo, o espazo resulta moi atractivo para o alumnado xerando tamén vínculos de interrelación entre os membros da rede social.
A cuestión fundamental é a disponibilidade de medios para levar á realidade estas experiencias, certo é que a dotación está a mellorar pouco a pouco. Tamén semella que, no desenvolvemento de estas actividades, o grao de implicación e participación resulta unha das cuestións máis relevantes e potenciais.