As potencialidades das redes sociais no ensino

[dplingua]

Propostas de uso educativo destas comunidades.

Trátase de que fagades propostas concretas de utilización das redes sociais na práctica docente. Pensade nalgunha actividade relacionada coa vosa especialidade e nivel educativo, para levar a cabo na escola ou intituto.

Exemplos:

Grupo de lectura nunha rede social do centro

Para axudar ao alumnado na elección de libros de lectura decidimos abrir un grupo de lectura nunha rede social creada para o centro. Na rede informarase periodicamente das novidades que se adquiren na biblioteca, así como información sobre as actividades que se realizan.
Ao rematar a lectura dun libro o alumnado pode participar no foro e facer un pequeno resumo do argumento e expoñer a súa opinión persoal, e o resto de alumnos e alumnas que despois leran o libro tamén farían a súa valoración. Dese xeito temos un foro no que o alumnado dun mesmo nivel pode consultar opinións dos seus compañeiros e compañeiras sobre o libros dispoñibles na biblioteca, e facilitar a elección da seguinte lectura.

Intercambio

O departamento de inglés está organizando un intercambio cunha cidade irlandesa. Antes do intercambio desexan que o alumnado dos distintos centros se coñeza entre si, e elixiron crear unha rede social e implicar a outros departamentos. Esta rede social utilízase para a comunicación entre o alumnado, mellorando a súa competencia lingüística. Aproveítase, ademáis, para intercambiar información sobre a historia, xeografía e costumes dos entornos dos dous centros.

Engade ti a túa proposta de utilización.

[Vanessa]

posibilita crear, configurar e xestionar doadamente a nosa propia rede ou comunidade, cun enderezo particular, con control sobre o acceso, as ferramentas de interacción, a presentación, etc.
ofrece un amplo abano de espazos de partilla: páxinas e blogues persoais con caixa de recados, foro, grupos, chat, etc. Un contorno de construción mediada de coñecemento que se pode regular facilmente.
é un contexto non plenamente informal, mais familiar para o estudantado; é funcional para uso educativo, mais abondo intuitiva. Potencia, así, a aprendizaxe entre iguais.
facilita o acceso á linguaxe do sitio para crearmos a nosa propia versión: pode, logo, ser completamente traducida ao galego

[Ignacio Abal]

Na miña opinión as redes sociais teñen unha chea de potencialidades.
As webs 2.0 permiten unha maior interactividade e interconexión entre os membros desas redes.
Tanto weblogs, webquests, foros, permiten grandes posibilidades e permiten a mellora da calidade na comunicación.
Como potencialidades específicas dentro do eido do ensino poderíamos salientar entre outras:
- A maior conexión e mario velocidade no fluxo de información entre o profesor e @s alumn@s.
- Posibilidade de actualizar, mudar, revisar contidos en tempo real
- Posibilidades de traballar desde calquera lugar e en calquera momento
- Motivación de cara ao alumnado, incluindo as tecnoloxías ao ensino, de modo que podan percibir que a súa formación e aprendizaxe non ten por que estar vencellado a un modelo de ensino tradicional apegado aos libros de texto, leccións maxistrais e reproducción automática dos contidos ensinados na aula.

[Estela]

As redes sociais son unha ferramenta do século XXI. Permítenos comunicarnos e transmitir as nosas experiencias, o que conleva unha aprendizaxe. En colaboración cos demáis sempre aprendemos.
O ensino está en constante evolución e para iso fan falla profesores/as preparados para afrontar os novos retos.

[Paula]

Estou dacordo coa maioría de vós; eu son profe de mates, unha asignatura chea de conceptos abstractos e, neste senso, a imaxe, a través das tics, cobra un valor importante. Outro punto fundamental onde as novas tecnoloxías son de novo apoio e no campo da simulación.
Xa por último, recoñecer a importancia dos blogues como un bo medio de comunicación entre alumnos ou profesor-alumnos para aclarar dúbidas...

[alimate]

Estou a facer a práctica 2, eu tamén son de mate e estou de acordo co que dis, a pega que lle vexo é os medios co que contamos, ademais de teres que ter un gran dominio da ferramenta.

[Victoria]

estou dacordo, tamén posibilita a comunicación entre o alumnado, facilita o entendemento, a socialización e a adaptación e o uso das novas tecnoloxías, fai o ensino máis dinámico e o mesmo tempo máis innovador, en continua evolución.

[ana belén]

Pode axilizar o fluxo da información bidirecional alumnado-profesor. Facilita ao alumno o acceso a contidos educativos, pregunta de dúbidas, acceso a páxinas de interese selecionadas polo profesor ou por outros compañeiros. É unha maneira de achegar as novas tecnoloxías non só ao alumnado senón tamén aos profesores que moitas veces teñen un certo "temor" ao emprego das tic. O principal problema e que require que os centros e os alumnos dispoñan de PC con acceso a internet, que ás veces parece sinxelo pero realmente non o é tanto.

[ramon]

É certo que as TICS suporían un gran avance á hora do desenvolvemento dos nen@s, O que estou dacordo cotigo é que fan falla cartos para ter as novas tecnoloxías nos coles, algúns nin teñen sá de ordenadores.

[marlene]

Penso igual que Ana Belén e co resto de todos vos en que as redes sociais son ferramentas útiles para a circulación de información e coñecemento non só entre o profesor e os alumnos senón tamén entre éstes; e de distintas zonas . Esta é unha metodoloxía activa e participativa , na que se fometa non só o uso de recursos informáticos e dixitais , e abandonamos ese ensino tradicional o que fai referencia Ignacio Abal . Podemos presentar dúbidas , respostas , recursos , ... todo en tempo real , pero penso que non debemos olvidar que aínda que vivimos na era da información , en moitos ámbitos da vida , semella ser a da desinformación . Polo tanto , penso , que non debemos olvidar , que estas poden ser un bo recurso , se son ben empregadas o que require non só establecelas senón tamén controlalas .
Ademais , ainda que non é o meu caso , existen centros (como dicides moitos de vos) nos que a dotación de recursos non permite facer estas cousas , situacións nas que a teoría precede a prática real .

[Cristina]

Segundo a miña opinión, as redes sociais teñen as seguintes potencialidades:
-Aumentan a motivación e o interese do alumnado pola materia.
-Posibilita que o alumnado acceda a información, solucione dúbidas ou comparta intereses cun numeroso grupo de persoas en calquera momento e desde calquer lugar.
-Facilita que os alumnos e alumnas utilicen os recursos dixitais na súa formación e non só dun xeito informal.

[ramon]

as redes sociais tamén poden potenciar a colaboración entre docentes, aljo moi necesario

[Laura]

Na miña opinión as redes sociais son un excelente recurso que nos permite dispor dun espazo para a comunicación e o intercambio de información e coñecemento.

Un posible uso das redes sociais na miña práctica docente (son mestra de AL- Ed. Especial) sería por exemplo nun centro de escolarización preferente de afectados de parálise cerebral cuxo medio de comunicación alternativo sexa o ordenador.
A través da rede social manterían contacto con alumnos doutro centro que podería ter características similares (ou non).
Isto permitiría que os docentes de ambos centros compartisen experiencias, materiais e inquietudes. Sería unha gran fonte de actualización e formación contínua do profesorado.
Por outro lado os alumnos empregarían o ordenador, ademais de como sistema de comunicación, como ferramenta educativa e como medio para interactuar cos iguais obviando as barreiras físicas.