Coordinadores/as TIC en Galicia

[Alberto]

Fun nomeado coordinador TIC no CPI Don Aurelio de Cuntis no comezo deste curso. Quixera saber se hai outr@s coordinadores/as noutros centros de ensino de Galicia. Gustaríame intercambiar experiencias, coñecemento da situación actual neste eido, comentarios, necesidades formativas e de todo tipo, etc.
Seica en Asturias, por poñer un exemplo, levan oito anos de teren coordinadores/as nos centros educativos. Aquí non sei o que está a ocorrer. Unha axudiña?

[Abraham Domínguez]

Coido que todo o mundo está na mesma situación ca nós, "lost".
O perfil esta sen desenvolver, din que no novo ROC (Regulamente Orgánico de Centros) a figura aparecerá algo resolta con beneficios horarios etc..., o igual cas demais ...pero o enfoque que lle deron dende as Xornadas Coordinadores TIC é eminentemente Tecnófilo, a excepción dalgún ganduxo de Bouzán que facía fincapé en que mencionada figura ensinara coas TIC, non ensinara TIC.
O perfil TIC, segundo o meu pensar, ten máis que ver con AGORAREDE, dende o punto de vista de ser un observatorio/observador do panorama de experiencias TIC , que dun farmaceutico educativo que receita tecnoloxías, programas ou aplicacións...evidentemente o punto medio e o punto medio.

[Alberto]

Estou moi de acordo coa túa reflexión. E reflexionando, reflexionando... estou chegando a unha especie de conclusión (nunca son definitivas) que me leva a pensar que o papel da coordinación non resulta tan fundamental coma o que debe asumir o profesorado na súa formación. Sexa a través de cursos, grupos de traballo, etc., o caso é que cadaquén terá que procurarse uns coñecementos das TIC para podermos facer a transición do ensino tradicional ó que xa se está a implantar. Así, antes ou despois estaremos no ensino 2.0 e quen non se adapte quedará á marxe do sistema educativo. Ou contribuirá a lastralo. No meu centro estou a traballar como coordinador propoñendo centos de recursos, algunhas suxestións, manuais, exemplos en primeira persoa do xeito de introducir as TIC nas aulas... Tamén xestiono como podo as máquinas e o software. Todo en dúas sesións semanais e gratis. ¿Resultado? Fanme máis caso en África (máis visitas ó blogue de TIC) ca no meu centro. E sigo a coordinar, principalmente a min mesmo.

[Abraham Domínguez]

JIjaijiajiaj ai excelente final....autocoordinadores TIC!

[Pablo Nimo]

Ola compañeiros, outra vez (porque xa escribín no de Pizarra Dixital;) O curso pasado fun coordinador TIC e tal e como está a cuestión, esa praza queda reservada para un mestre con interés que non lle importa estar no centro máis horas das que lle corresponde por lei. É máis, si esa persoa non está formada (e polo xeral non o están), limitarase a parchear cuestións que debían de estar máis que solucionalas, en vez de innovar no USO das TIC's. Exemplo: Un dinamizador TIC debería animar e dinamizar a utilización das Wikis, dos foros, dos CMS dentro da aula, e non explicarlle ós compañeiros que para que unha impresora funcione é importante que esteña enchufada.
Seguro que coñecedes o Proxecto Averroes de Andalucía, si podedes botádelle un ollo a a este documento: http://www.juntadeandalucia.es/averroes/guadalinex/files/guia_centr... , e si podedes a esta presentación: http://www.slideshare.net/jza/centro-de-gestion-avanzada-andalucia

Na miña humilde opinión, cada vez teño máis claro que é necesaria unha decisión estructural, como no caso de Andalucía.