Tradución?

[dplingua]

Ola. Quixera que todos/as considerásemos se é preciso e asumíbel afrontar o labor de facer a versión ao galego do marco deste sitio. Eu dubídoo porque, en primeiro lugar, algúns identifícamonos sen problemas co portugués padrón que temos; e en segundo lugar, a traslación ao galego require moitas horas -aínda repartidas-, pois son 29 páxinas ben cargadas (anexo a primeira como mostra).
Que opinades?

Por outro lado, considerei necesario introducir unhas palabras de presentación que supoño que todo o mundo comparte. Se non for así, emendade.

[Alberto]

Para min está ben así, sen tradución. A introdución tamén está axeitada. O que máis me gustou é a supresión de (espazo en probas).

[Rosa Salgueiro]

As palabras da presentación parécenme moi ben. Ao mellor ao final dela poderíanse incluír as "instrucións de uso" que che indicaba na mensaxe, Xano. Con que estea en portugués, ningún problema; penso que temos outras urxencias e debemos intentar xestionar o noso tempo do xeito máis intelixente e práctico posible, polo menos de momento.

[Xoán Díaz]

Por min non é preciso a tradución.